بانکا رافیدەین یا ئیراقێ راگەھاند: ھەتا کوژمێ ١٠٠ ملیۆن دیناران ب شێوەیێ قست و ب قەرێن یەکەیا ئاکنجیبوونێ دێ دەتە فەرمانبەران، ئەڤە ژی مەزنترین رێژا دانا قەرایە کو بۆ ڤی بواری ھاتبیتە تەرخانکرن.
نڤێسینگەھا بەنکا رافیدەین یا ئیراقێ ئەڤرۆ شەمبی راگەھاند: ب چەند مەرجەکان ئەو ١٠٠ ملیونە دێ ھێنە دان بۆ فەرمانبەران و ئێک ژ وان مەرجان ژی فەرمانبەر یێ بەردەوام بیت ل سەر کارێ خۆ و یا باشترە ژی دانا وی قەرێ مەزن ژی مووچێ وی ل سەر بەنکێ بیت. دبێژیت وەرگرتنا پارەی ژی دێ ب شێوێ قست بیت و ھەیڤانە دێ ٥٠% ژ سەرجەمێ مووچێ فەرمانبەری ھێتە برین.
بانکا رافیدەین بەرھەڤییا خۆ دەربرییە کو ھەموو جۆرێن قەران ب شێوەیێ وەرگرتنا ب قستێ ھەیڤانە ب دەتە فەرمانبەران، و داخواز ژ ھەموو لقێن خۆ ژی کری کو سەرەدەریەکا تایبەت دگەل وان بھێتە کرن و ئاسانکاری بۆ وان کەسان ھەبیت ئەوێن حەزا وەرگرتنا قەری ھەین.
بانکا رافیدەین راگەھاندییە ژی کو دانا قەران بۆ چاککرنا کەرتێ تایبەتە و کارێ وەبەرھێنانێ ل ئیراقێ و مفایێ قەری ژی بۆ ٥% ھاتییە زێدەکرن.
