وەزارەتا داراییا هەرێما کوردستانێ: لیستا مووچەیێ هەیڤا هەشت ڕادەستی وەزارەتا داراییا عیراقێ هاتە کرن

وەزارەتا دارایی و ئابوورییا هەرێما كوردستانێ ڕاگەهاند، لیستا مووچەیێ هەیڤا هەشت و تەرازوویا پێداچوونێ یا هەیڤا حەفت ڕادەستی وەزارەتا داراییا عیراقێ هاتنە كرن.
وەزارەتێ ئاشكراكر، ئەڤرۆ تیمەكا تەكنیكییا وەزارەتێ ب فەرمی لیستا مووچەیێ هەیڤا هەشت یێ فەرمانبەر و مووچەخۆرێن هەرێما كوردستانێ ڕادەستی فەرمانگەها ژمێریاری ل وەزارەتا داراییا حكومەتا فیدرال كر.
دیار ژی كر، هەڤدەم دگەل لیستەیێ، تەرازوویا پێداچوونا دارایی یا تایبەت ب خەرجی و داهاتێن هەیڤا ( تەمموزا 2026)ێ، ڕادەستی لایەنێ پەیوەندیدارێ وەزارەتا داراییا عیراقێ هاتە كرن، ب ئارمانج هویربینیكرنێ و بلەزكرنا پرۆسەیا دابینكرنا شایستەیێن دارایی یێن مووچەخۆرێن هەرێما كوردستانێ.