پارێزگه‌ها ئاگرى یا باكورێ كوردستانێ نزمترین پلا گه‌رمێ تۆماركر كو سیهـ و دو پله ل ژێر سفرێ یه.
ل گۆره‌ی خشته‌یێ رێڤه‌به‌ریا سه‌قاناسییا وێ ده‌ڤه‌رێ نزمترین پلا گه‌رمێ ب شه‌ڤێ ل پارێزگه‌ها ئاگرى بوویه 32 پله ل ژێر سفرێ، د دووڤ دا قارسێ ب 24 پلا ل ژێری سفرێ دهێت و ل دێرسمێ 10 پله ژێری سفرێ بوو.
ژ ئه‌گه‌رێ به‌فر بارینێ ل باژارێن وان، بدلیس، مووش و جوله‌مێرگ رێكا زێده‌ترى 250 گوند و ده‌ڤه‌رێن ئاكنجیبوونێ هاتییه گرتن.
پارێزگه‌ها ئاگرى دكه‌ڤیته باكۆرێ رۆژهه‌لاتێ باكورێ كوردستانێل نێزیك سنۆێن ئه‌رمه‌نستانێ، رووبه‌رێ وێ 11300 كیلۆمه‌ترێن دوجا نه و هه‌ژمارا خه‌لكێ وێ زێده‌ترى نیڤ ملیۆن كه‌سانه و پتریا وان كوردن.
