بهرى دهمهكى كێم فرۆكهیێن توركیا سنورى دەڤەرا نهێلێ و پشتا چیایێ گوهەرزێ و شیلادزێ و دەڤەرا رێکان و کانى ماسێ ل سنورێ دهڤهردارییا ئامێدیێ بۆرودومانكرن و ترس و دودلى ئێخسته دلێ خهلكێ دهڤهرێ.
رهڤهند موسا گوههرزى وهلاتییهكێ گوندێ گوههرزێ یا سنورێ ئامێدیێ یه بۆ خانى نیوز دیار كر، پشتى نیڤرۆیا ئهڤرۆ 23/1/2021 فرۆكهیێن توركیا چیایێ پشتا گوندێ وان بوردومانكریه، ههر چهنده ڤێ بۆردومانێ چ زیان نهبووینه لێ ژ بهركو دهنگێ گورمێنهكا گهلهك مهزن هاتییه بهیستن، لهورا ترس و دوو دلى ئێخستییه دلێ خهلكێ دهڤهرێ ب تایبهتى ژى ئاكنجیێن وان گوندان.
ههروهسا وهلاتییەکێ کۆمەلگەھا سیریێ بۆ خانی نیۆز دا دیارکرن کو ئەڤرۆ پشتی نیڤرۆ فرۆکهیێن شەری یێن تورکیا بارەگایێن پهكهكێ ل دەڤەرا نێروە و رێکان یا سەر ب ناوچهدارییا شێلادزێ ڤە تۆپبارانکرن کو ئەو جھە نێزیکی ئاڤا مارکی یە و جھەکێ گەشت و گوزاری یە، لێ تا نھا زەرەر و زیان نەھاتینە زانین.
ژلایێ خۆڤه (حسێن بازی) موختارێ گوندێ بازێ بۆ خانی نیوز گۆت: فرۆکهیێن شەرکەر یێن سەر ب سوپایێ تورکیا ڤە گەلیێ دێرا ئەوێ دکەڤیتە رۆژهەلاتێ گەلیێ بازێ ب دژواری بۆمبە بارانکرن، بۆردومانێ چ زیان نهبووینه لێ ترس دناڤ خهلكێ وێ دهڤهرێ دا بهلاڤكریه
دهێته زانین دوهى ئێڤارى ژى ل گوندێ گرى یێ سهر ب ناوچهداریا چهمانكى ڤه فرۆكهیێن توركیا ترۆمبێلهكا گهریلایێن پهكهكێ ل ناڤا گوندى كره ئارمانج و د ئهنجام دا چار وهلاتیێن سڤیل بریندار بوون و زیانێن ماددى ژى گههشتینه خانى و ترۆمبێلێن وهلاتییان.
خانى نیوز، مهحموود نهێلى
