پەرلەمانتارەکێ فراکسیۆنا پارتییا داد و گەشەپێدان یا تورکیا راگەھاند، سەرۆکێ نوو یێ ئەمریکا بنیات کوردە لەورا دژاتییا تورکیا دکەت.
ئۆرھان میرئۆغلو، پەرلەمانتارێ ئاکەپێ د پەرلەمانێ تورکیا دا دتویتەکی دا راگەھاند، چۆ بایدن، سەرۆکێ ئەمریکا بنیات کوردە و ژ عەشیرەتا بیرۆکی یە و ناڤێ وی یێ دروست جەمۆیێ بەھائەددین ئاغایە.
میرئۆغلو ئاشکرا ژی کر، ھەر چەندە ئەو باوەر ناکەت ژی، لێ ئەو کەسێ ئەو زانیاری داینە وی گەلەک یێ رژد بوو.
ئۆرھان میرئۆغلو، سالا ١٩٥٣ێ ل باژارێ میدیاتیێ ل باکورێ کوردستانێ ژ دایکبوویە و نڤیسکار و سیاسەتمەدارە و زمانێ کوردی ژی دزانیت، سالا ٢٠١٥ێ ل سەر لیستا پارتییا داد و گەشەپێدانا تورکیا ئاکەپێ، یا رەجەب تەیب ئەردۆغان سەرۆکاتییا وێ دکەت ل بازنەیا مێرسینێ بوویە پەرلەمانتارێ تورکیا.
