ل دۆر بەلاڤبوونا دەنگۆیێ پێدانا موپەیێ وەزارەتا پێشمەگەی بێ کێمکرن، وەزارەتا ناڤھاتی ئەڤرۆ ئێکشەمبی ٢٤-١-٢٠٢١ێ راگەھاندنەک بەلاڤکریە و گۆتییە: بزاڤێن حکومەتا ھەرێما کوردستانێ و وەزارەتا پێشمەرگەی ژ بۆ باشکرنا ژیان و ژیارا پێشمەرگەیێ قەھرەمان بەردەوامن و درڤی چوارچۆڤەی دا، پشتی راوێژ و گۆتوبێژ ل گەل راوێژکارێن بلند یێن ھەڤپەیمانان ل گەل وەزیرێ پێشمەرگەی و وەرگرتنا رەزامەندییا سەرۆکاتییا جڤاتا وەزیران، بریار ھاتەدان ئەو ھەڤکارییا ژلایێ ھەڤپەیمانان دھێتـەدان راستەوخۆ بچیتە سەر ھژمارا وەزارەتا پێشمەگەی.
راگەھاندنا وەزارەتا پێشمەرگەی د تۆرا جڤاکییا فەیسبۆکێ بەلاڤکریە و زێدەتر دیارکریە، ب وێ رێکێ ئەو ھاریکاری دێ وەکو خۆ و بێ چو دەستکاریەک دێ ب لێوایێن ھەڤپشک یێن وەزارەتا پێشمەرگەی ھێتەدان.
راگەھاندنا وەزارەتا پێشمەرگەی دوپاتکریە کو ئەڤ بریارە پشتی پێنگاڤێن چاکسازیێ ل وەزارەتا وان دھێت کو ب ھاریکارییا ھەڤپەیمانان ئەو بەردەوامن ل سەر دروستکرنا ھێزەکا سەربازی یا سەردەمانە.
هەروەسا (لیوا بابەکر فەقى) ژ راگەهاندنا وەزارەتا پێشمەرگەى بۆ خانى نیوز راگەهاند: ژ ئەڤرۆ و پێڤە بزاڤێن حکومەتێ و وەزارەتا پێشمەرگەی دێ هێنە چرکرن ژ بۆ ھندێ کوژمەیێ ھاریکارییان باشتر و بەرفرەھتر ببن و د پێنگاڤێن بھێـت دا پرۆسەیا رێکخستن و ئێکخستنا وەزارەتا پێشمەرگەی ھەموو ھێزان ڤەبگریت.
وەزارەتا پێشمەرگە: موچەیێ لیوایێن هەڤپشک بێی لێبرین دێ هێـتەدان
