د خه‌له‌كه‌كا زنجیرا به‌رنیاس (خێزانا سێمسونس) كو ل سالا 2000ێ په‌خش ببو ئاماژه ب وێ چه‌ندێ هاتییه كرن كو لیزا سێمسونس وه‌ك سه‌رۆكا ویلایه‌تێن ئێكگرتی یێن ئه‌مریكا یه، و ب جلوبه‌رگێن مۆر، رستك و گوهاركێن سپى وه‌ك سه‌روكا ئه‌مریكا ده‌ردكه‌ڤیت، پشتی 21 سالان هه‌رچه‌نده ژنه‌ك نه‌بوو سه‌رۆكا ئه‌مریكا لێ كامالا هارێس وه‌ك ئێكه‌م ژن پۆستێ جێگرێ سه‌روكێ ئه‌مریكا وه‌رگرت و ب هه‌مان جل و به‌رگ و رستك و گو‌هاركان ده‌ركه‌فت یێن لیزا سێمسونس به‌ریا 21 سالان د خه‌له‌كا ژماره 17 یا وه‌رزێ 11 تێدا ده‌ركه‌فتی.
هه‌ر د وێ خه‌له‌كێدا لیزا سێمسونس ئاماژه ب قه‌یرانه‌كا ئابورى دكه‌ت پشتی ب دویماهی هاتنا و‌یلایه‌تا ترامپى وه‌ك سه‌روكێ ئه‌مریكا.
پێشبینیێن پاشه‌روژێ یێن زنجیرا سێمسونس ل ڤان سالێن دوماهیێ بوویه ئه‌گه‌رێ ده‌نگڤه‌دانێ ل سوشیال میدیایێ كو پێشتر د زنجیرا ناڤبرى دا هاتبوو دیاركرن كو دۆنالد ترامپ دێ بیته سه‌روكێ ئه‌مریكا و پێشبینییا روودانا 11 سێپتێمبه‌رێ ل ئه‌مریكا.
