بانکا جیهانی و ئێكه‌تیا ئەوروپا ل ژێر ناڤ و نیشانێن بهێزکرن و برێڤه‌برنا بوارێ دارایی و بەرپرسیا‌تییا دامه‌زراندى، دگه‌ل حکومەتا ئیراقێ رێککەفتن ئیمزاكر ژ بۆ دانا 12 ملیۆن و 500 هزار دۆلاران ب هەرێما کوردستانێ و ئیراقێ.
پرۆژه‌یێ دارایى پشكه‌كه ژ بەرنامه‌یێ هاریكارییا داراییا مه‌زن کو به‌رییا نها ل سالا 2018 دا دگه‌ل حکومەتا ئیراقێ ئیمزاكربوو ب مه‌ره‌ما بهێزكرنا پارێ دارایی ل ئیراقێ، هەروەسا زێده‌كرنا ژێده‌رێن دارایى و خزمەتگوزاریێن گشتى یێن وى وه‌لاتێ.
رەمزی عەفیف، بەرپرسێ نڤیسینگه‌ها بانکا ناڤه‌ندى ل ئیراقێ گۆت: نها زێده‌تر ژ هه‌موو ده‌مان هەست ب گرنگییا هاریكاریكرنا دارایی د‌كه‌ن، بانکا جیهانی ژی بڕیار دایه هاریكارییا ئیراقێ بكه‌ت داكو كارتێكرنێن ئه‌رێنى لسه‌ر ئابوورێ وه‌لاتێ خوه په‌یدابكه‌ت هه‌روه‌سا ببیته جهێ باوه‌ریێ بۆ وه‌لاتێ وان.
د ره‌شنڤیسه‌كا بودجه‌یا سالا 2021 ێ ل ئیراقێ، پشکا هەرێما کوردستانێ رێژا 12،67٪ی بودجه‌یێ پێکدئینیت، دبیت رۆژانە داهاتێ 250 هزار بەرمیلێن په‌ترۆلێ و نیڤا داهاتێ دەروازه‌یێن سنووری راده‌ستى بەغدا بکه‌ت. پشکا هەرێمێ ژی ل پرۆژە قانونا بودجه‌یا سالا 2021 ێ ئیراقێ 13 ترلیۆن و 904 ملیار و 12 ملیۆن و 452 هزار دیناربیت.
