حکوومەتا ھەرێما کوردستانێ ل دووڤ یاسایا چاکسازیێ، دێ دەرمالەیەکی بۆ فەرمانبەرێن حکومەتێ خەرج کەت، کو پشتی خانەنشینا وان ژی دەرمالە دێ ھێتە خەرجکرن.
ل دووڤ بریارا جڤاتا وەزیرێن ھەرێما کوردستانێ، بۆ جێبەجێکرنا یاسایا چاکسازیێ، چەند بریارەک بۆ وان کەسان ھاتنە دەرخستن، کو فەرمانبەرن و د ھەمان دەم ژی دا مووچێ کێم ئەندامیێ ھەیە.
ل دووڤ بریارێ، دەرمالەیەک ب ناڤێ (ژ جھێ کێم ئەندامێ) ب رێژەیا ٥٠% ژ مووچێ بنەرەتیێ کێم ئەندامیێ، ب مەرجەکی ژی ١٠٠ ھزار دیناران تێپەر نەبیت، دێ ھێتە خەرجکرن.
لژنەک ژی ژ وەزارەتا کاروبارێن جڤاکی و وەزارەتا ساخلەمیێ رێژا کێم ئەندامیێ دیار دکەت، ئەو ژی ل دووڤ یاسایا و رێنمایان.
و ل دووڤ بریارێ ژی دەرمالەیا (ژ جھێ کێم ئەندامێ) پشتی خانەنشینا فەرمانبەران ژی، دێ یا بەردەوام بیت.
