لژنا دارایی، ئەڤرۆ رۆژا دووشەمبی، ناڤهرۆكا کۆمبوونا خۆ دگەل شاندێ کوردی دیارکر و ئەندامێ لژنێ، شێروان میرازا بۆ میدیایێن ئیراقێ دیارکر، کو کۆمبوون یا ئەرینی بوو و ل سەر گەلەک بابەتان گۆتوبێژ ھاتنە کرن و ب تایبەت ئەوێن گرێدایی پشکا ھەرێما کوردستانێ ژ بودجا گشتی یا سالا ٢٠٢١ێ، و ئەندامێن لژنا دارایی ژی چەندین پرسیار ژ شاندێ ھەرێمێ کرینە، وان داکۆکی ل سەر ھندێ کرییە کو ھەموو پرسیارێن وان د کۆمبوونا بھێت دا دێ ھێنە بەرسڤدان.
و میرزایی ئاماژە ب وێ چەندێ ژی کر، کو کۆمبوونا شاندا حکومەتا ھەرێما کوردستانێ دگەل لژنا دارایی دێ ئەڤرۆ دووشەمبی و سێشەمبی یا بەردەوام بیت، داکو بگەھنە رێککەفتنەکێ ل دۆر پرسێن دارایی یێن ھەلاویستی دناڤبەرا حکوومەتا ھەرێما کوردستانێ و حکومەتا بەغدا دا.
