سهركردێ پارتیا پاشهرۆژ یا توركى راگههاند، پارتیا داد و گهشهپێدان ئاكهپه یا دهستههلاتدار چ شوونوار نهماینه.
ئهحمهد داوود ئۆغلۆ، سهرۆكێ پارتیا پاشهرۆژ و سهرۆكوهزیر و سهرۆكێ پارتیا داد و گهشهپێدان ئاكهپێ یێ پێشتر د پرێسكۆنفرانسهكى دا راگههاند، پارتیا داد و گهشهپێدان ئاكهپه یا رهجهب تهیب ئهردۆفغان سهرۆكاتییا وێ دكهت و نها دهستههلاتدار ل توركیا یا ل سالا 2002ێ هاتبوو دامهزراندن چ شوونوار نهماینه. ههكه ئاكهپه ئهڤرۆ ههمان پارتیا سالا 2002ێ با، دا ههڤپهیمانیا ئهردۆغانى داخوازا داخستنا وێ كهن و ئهردۆغان ژى دا ب حزبهكا تیرۆرستى هێته ب ناڤكرن.
داوود ئۆغلۆى گۆت ژى، ئاكهپه ل ژێر سهركردایهتییا ئهردۆغانى نهمایه، بهلكو كهفتییه ژێر ركێفا ههڤپهیمانییا ئهردۆغانى.
گۆت ژى، ههكه رهوش ب ڤى رهنگى بهردهوام بیت، وهلاتێ وان دێ تووشى ژ دهستدانێن زێدهتر بیت و ئاكهپه دێ لاوازتر لێ هێت، باغچهلى و ئهوێن دگهل وى دا بهرمایكێن توركیا كهڤنن، ئهوا ژ حزبا داد و گهشهپێدان ماى دێ ژناڤ بهن.
