ب پشکداری یا پێنچ وەلاتان، خواندنا ٣٠ ڤەکۆلینان ئەڤرۆ سپێدێ ٢٧/١/٢٠٢١ ل ھۆلا کونفرانسان ل زانکۆیا دھۆک، سەنتەرێ بێشکچی بۆ ڤەکۆلینێن مرۆڤایەتی ب ھەڤکارییا سەنتەرێ ڤەکۆلینێن جینوسایدێ، کۆنفرانسێ نیڤدەولەتیێ دووێ ل دۆر جینۆسایدێ ئەنجام دا.
د.سالم جاسم رێڤەبەرێ سەنتەرێ ڤەکۆلینێن جینۆسایدێ ل زانکۆیا دھۆک بۆ خانی نیۆز گۆت: کۆنفرانس دێ دو رۆژان بەردەوام بیت و ھەر پەنەلەکی ھەتا چار ڤەکۆلەران تێدا پشکدارن، (٣٠) ڤەکۆلین دێ ھێنە خواندن ل پێنچ وەلاتان (تورکیا، مهغرب، تۆنس، لیبیا، ئەلمانیا، کوردستان، عیراقێ).
رێڤەبەرێ سەنتەرێ ڤەکۆلینێن جینوسایدێ گۆتژی: ٥٠% ڤەکۆلینێن ڤی کۆنفرانسی دا ھاتینە خواندن یێن ب سەرێ کوردان ھاتین وەک ئەنفال و ھەلەبجە و بارزانی و ئێزدیان و ئەڤە ھەمی دبنە تەوەر، ئارمانج ژ ئەنجامدانا ئەڤان کۆنفرانسان وەک سەنتەرێ جینۆسایدێ و سەنتەرێ بێشکچی ل زانکۆیا دھۆکێ وەک سەنتەر بۆ مە گەلەک گرنگە ژ لایێ ئەکادیمی و زانستی ڤە ل سەر ئەڤێ مژارا کاربکەین.
رێڤەبەرێ سەنتەرێ ڤەکۆلینێن جینۆسایدێ ل زانکۆیا دھۆکێ گۆت ژى: کورد مللەتێن ئێکێ نە کو ھندە جینۆساید ب سەری ھاتینە و ھەژمارەکا مەزن یا مرۆڤان بووینە قوربانی، لهورا گرنگە بەراوردییەک بھێـتەکرن ل گەل جینوسایدێن دی بۆ نمونە یا (ئەرمەنیان).
خانی نیۆز، سالار محەمەد دۆسکی
