ھێزێن سیوپایی ئەمریکا لڤینێن خوە لا گوندەوارێ دێرکێ ل رۆژئاڤایێ کوردستانێ و پشتەڤانیێن سەربازی ژ تانک و زریپۆشان ل بنگەھێ خوە یێ ل نێزیک سنۆرێ رۆژئاڤا و ھەرێما کوردستانێ زێدەکرینە.
نێرینگەھا سووری یا مافێن مرۆڤی ژ زارێ ژێدەرێن خوەیێن تایبەت ئاشکرا کر، سوپایێ ئەمریکا ھێز و ئامیرێن خوەیێن سەربازی ل بنگەھێ دێرکێ سەر ب پارێزگەھا حەسەکێ ڤە ل رۆژئاڤایێ کوردستانێ زێدەکرینە و نیاز ژی ھەنە بنگەھەکێ دی ل وێ دەڤەرێ دروست بکەن.
ل گۆرەی گۆتنا نێرینگەھا سووری یا مافێن مرۆڤی، سوپایێ ئەمریکا کاروانەکێ ھێزێ ژ فرۆکخانەیا سەربازی یا خەرابە جیر ل باشۆرێ باژارکێ رمێلان ب رێیا قامشلۆ بەر ب دێرکێ ھنارتیە و ھێلیکۆپتەران ل ئاسمانی پاراستنا وان دکر.
نێرینگەھا سووری یا مافێن مرۆڤی ئاشکرا ژیلا کر، د دەمێ مەھا بووری دا ٢٤٠ بارھەلگر و ئامیرێن سەربازی یێن ھەڤپەیمانان ژ ھەرێما کوردستانێ دەربازی رۆژئاڤایێ کوردستانێ بووینە.
