ب مەرەما ژ نێزیکڤە ئاگەھداربوون ژ داخازی و کێماسیێن دەڤەرا ئاکرێ یێن تایبەت وەزارەتا ئاڤەدانکرنێ و نیشتەجێبوونێ، ئەڤرو چارشەمبی ٢٧-١-٢٠٢١ دانا عەبدولکریم حەمە سالح وەزیرێ ئاڤەدانکرنێ و نیشتەجێبوونێ ل حکومەتا ھەرێما کوردستانێ سەرەدانا دەڤەردارییا ئاکرێ کر، د کۆمبوونەکێ دا دگەل (مازن محەمەد سەعید) دەڤەردارێ ئاکرێ گەنگەشە ل سەر پرۆژەیێن پێدڤی ھاتنە کرن.
د پرێسکۆنفرانسەکێ دا وەزیرێ ئاڤەدانکرن و نیشتەجێبوونێ راگەھاند: دەڤەرا ئاکرێ پێدڤی ب گەلەک پرۆژەیێن خزمەتگوزارییە مینا نووژەنکرن و چێکرنا وان رێک و پرێن پێدڤی، د ڤێ سەرەدانێ دا بۆ وان دیاربوویە کو سنورێ دەڤەردارییا ئاکرێ پێدڤی ب ١٣ پروژەیێن گرنگە ب کوژمێ پتری ١٦ ملیار دینارێن ئیراقی.
ناڤھاتی گۆت ژی: ئەو سۆزێ ددەنە خەلکێ ئاکرێ کو ئەو ل جڤاتا وەزیران نوونەرێ وان بن و کوژمێ ١٦ ملیار و ٥٠٠ ملیۆن دیناران بۆ وان ١٣ پرۆژەیان دابین بکەن.
وەزیرێ ئاڤەدانکرنێ دوپاتکر ژی: ئەو دێ بزاڤێ کەن رەزامەندییا جڤاتا وەزیران وەربگرن داکو ب زیترین دەم ئەو پرۆژە بھێنە بجھئینان.
خانی نیوز، قەحتان بیھی
