د ھژمارا تایبەتا خۆ دا ل تۆرێن جڤاکی تویتەر، مەسرور بارزانی سەرۆکێ حکومەتا ھەرێما کوردستانێ پەیامەکا پیرۆزباھیێ ئاراستەی ئەنتۆنی بلینکن، وەزیرێ نوو یێ دەرڤەیێ ئەمریکا دکەت.
د تویتەکی دا، مەسرور بارزانی نڤێسییە، پیرۆزباھیا تە دکەم کو باوەری ب تە ھاتییە دان وەکو وەزیرێ نوو یێ دەرڤەیێ ئەمریکا و دێ یێ خۆشحالبم کو پێکڤە کاربکەین بۆ چەسپاندنا سەقامگیرییەکا زێدەتر ل دەڤەرێ.
بلینکن، کو رۆژا سێشەمبی ژ لایێ کۆنگرێسی ڤە ب زۆرینەیا دەنگان وەکو وەزیرێ نوو یێ دەرڤە یێ ئەمریکا باوەری پێ ھاتە دان، دیپلۆماتکارەکێ ب ئەزموونێ ئەمریکی یە و د ئیدارا ئۆبامای ژی دا جێگرێ وەزیرێ دەرڤەیێ ئەمریکا بوو، هه‌روه‌سا چەندین جاران ژی سەرەدانا ھەرێما کوردستانێ ژی کرییە و دگەل سەرکردایەتییا کوردستانێ کۆمبوویە.
