ریڤەبەرێ بازرگانییا دەخل و دانی ل پارێزگەها دهۆکێ بۆ خانی نیوز گۆت: ئەڤرۆ رۆژا پێنچ شەمبی ٢٨_١_٢٠٢١ دێ پارێ گەنمێ جۆتیاران کۆ ٦ ملیار دینارن هێتە به‌لاڤكرن.
نازم محەمەد عەلی، ریڤەبەرێ بازرگانییا دەخل و دانی ل پارێزگەها دهۆکێ ئاشکرا کر ژی ئەو جۆتیارێن گەنمێ وان ل رۆژی ۲۲_٦_۲٠۲٠ تا ٢٦_٦_٢٠٢٠ ل هەر سێ سایلۆیێن فەیدیێ و زاخۆ و شێخان هاتینە وەرگرتن دێ چەکێن خوە وەرگرن، ل دەمژمێر ١٠:٣٠ سپێدێ دشێن ل بەنکێن گارە و شێخان و خابیری پارێ خوە وەرگرن.
دهێتە زانین ل سالا ٢٠٢٠ ل سنورێ پارێزگەها دهۆکێ ۸٤ هزار و ۹٥٥ تەنێن گەنمێ جۆتیاران ل دووڤ بریارا وەزارەتا بازرگانییا عیراقێ هاتینە وەرگرتن، پارەیێ وان ژی (٥٦) ملیار دینارن، هەتا نها د پێنچ گەڕان دا پارەیێ گەنمێ جۆتیارێن پارێزگەها دهۆکێ هاتینە کو دبیتە ٢١ ملیار و٥٠٠ ملیۆن دینار، لێ هێشتا ٣٤ ملیار دینار ژی ماینە.
خانی نیوز، عەبدوللا عەلی
