10 تیرۆرستێن داعشێ د هێرشه‌كا ئه‌سمانى یا فرۆكێن هه‌ڤپه‌یمانان دا ل پارێزگه‌ها كه‌ركووكێ هاتنه كوشتن.
شانه‌یا ئێمناهییا ئیراقێ، د هێرشه‌كا ئه‌سمانى یا هه‌ڤپه‌یمانان دا بۆ سه‌ر هژماره‌كا حه‌شارگه‌هێن داعشێ ل ده‌ڤه‌را تامۆر ل سنۆرێ پارێزگه‌ها كه‌ركووكێ، 10 تیرۆرستێن داعشێ كۆشتن كو 3 ژ وان سه‌ركرده‌یێن بلندێن داعشێ بوون، هه‌ڤپه‌یمانان ل سنورێ فه‌رمانده‌یا ئۆپه‌راسیۆنێن جه‌زیره، 7 حه‌شارگه‌هـ و پشتینه‌كا بۆمبه‌كرى ژ ناڤبرن.
سه‌باح نوعمان، په‌یڤدارێ ده‌زگه‌هێ دژه‌تیرۆرا ئیراقێ راگه‌هاند؛ راسته داعش هاتییه ژناڤبرن لێ هێشتا ب دووماهى نه‌هاتییه و ژ سالا بوورى و تا نها ده‌زگه‌هێ وان په‌نایێ د به‌ته به‌ر زانیاریێن هه‌والگێرى و ئۆپه‌راسیۆنێن ژ نیشكه‌كێ و شیاینه چه‌ندین هێرشێن تیرۆرى ژناڤ ببه‌ن ژ به‌ر كو داعشێ دڤێت ب رێیا هێرشان هه‌بوونا خوه ب سه‌لمینیت.
