ل دۆر سهرژمێرییا ئیراقێ و پشكدارییا ههرێما كوردستانێ سیروان محەمەد محیەدین، سەرۆکێ دەستەیا ئامارێن ھەرێمێ بۆ خانی نیوز گۆت: ئیراقی بخوە ئاریشە ھەیە و تا نھا ژى بوودجەیا ھەرێمێ یا سەرژمێرییا سالا ٢٠١٩-٢٠٢٠ نەھنارتییە و ئامادەکاریێن ھەرێمێ ژی گرێدای پشکا بوودجەی نە، ھەروەسا ھەماھەنگییا کوردستانێ دگەل بەغدا یا لاوازە و ئەو د وێ باوەرێ دا نینە کو سەرژمێریێ بکەن و ژ بەر ھندێ ژی کار ب ڤی رەنگی دھێته ب رێڤەبرن.
سەرۆکێ دەستەیا ئامارێن ھەرێمێ خویا ژی کر، بابەت ئەو نینە کو نەشێن یان حەزناکەن، بەلکو پەیوەندی ب بەغدا ھەیە و گەر بەغدا دگەل ھەرێمێ ھاریکار نەبیت نکارن سەربێخن ژ بەرکو وان ئامادەکاری نەکرینە و بەغدا بوودجەیا خوە وەرگرتییە لێ پشکا ھەرێمێ نەھنارتینە.
سیروان محەمەد، ل دۆر ئامادەکاریێن ھژمارتنا ئەلیکترۆنی ژی گۆت: بەغدا ژ بۆ ھەژمارتنا ئەلیکترۆنی خوە باش ئامادە نەکریە و ھەرێمێ ژى ب ئێکجاری خوە ئامادەنەکرییە ژ بەر کو ئامادەکاری گرێدای ھنارتنا بودجەی نە.
خانى نیوز، چنار ئهحمهد
