دەستەیا دەستپاکییا ئیراقێ رادگەھینیت: بەرپرسێن کۆمپانییا نەفتا باکووری ل کەرکووکێ، ئێک ملیار دینار ب نە یاسایی خەرجکریە.
ئەڤڕۆ یەکشەمبی ٣١-١-٢٠٢١، دەستەیا دەستپاکییا ئیراقێ راگەھاند: ئەو شیاینە گەندەلییا بەرپرسێن کۆمپانییا نەفتا باکوور ل کەرکووکێ ئاشکرا بکەن، بەرپرسێن کۆمپانییا نەفتا باکوور ل کەرکووکێ ھەیڤانە ئێک ملیار دینار ب رێکا فێلکرنێ د راپۆرتێن فەرمی دا ب نە یاسایی خەرجکرینە.
ئاماژە ب ھندێ ژی کرییە کو تیمێن دەستەیا دەستپاکیێ، ڤەکۆلین د گەل بەرپرسێن کۆمپانییا نەفتا باكوور ل کەرکووکێ کرییە، ئەوی بەرپرسی پارەیەکێ زۆر ب نەیاسایی خەرجکرییە، ھەروەسا کۆمپانییا نەفتێ گرێبەست دگەل ٤ ھزار کەسان دا کرییە ب ناڤێ پاراستنا بۆریا نەفتێ، و ھەیڤانە ملیارەک و ٢٠٠ ملیۆن دینار بۆ وان کەسان خەرجکرییە و زۆربەیا کارێن وان د نە یاسایی نە و گەندەلی تێدا ھاتییە کرن.
دیارکرییە ژی، سەرۆکێ ھۆبا پاراستنا بۆری و کێلگەھێن نەفتێ ل کەرکووکێ د راپورتەکێ دا بۆ سەرەدانیکرنا بۆری و کێلگەھێن نەفتێ گەلەک کارێن نەیاسایی کرییە و پارەیەکێ زۆر ب نە یاسایی خەرج کرییە، ژبەر ھندێ ژی ھاتییە دەستە سەرکرن.
