ئافره‌تێن دهۆکێ بوونە قه‌هره‌مانێن خولا فۆتسالا كچێن کوردستانێ ئەڤرۆ دووشەمبی 1-2-2021 و ب ئامادەبوونا دکتۆر عەلی تەتەر پارێزگارێ دهۆکێ و سەفین کانەبی سەرۆکێ ئێکەتییا تەپا پێ یا کوردستانێ ل هۆلا کۆلیژا پەروەردەیا وەرزشی ل زانکۆیا دهۆکێ یارییا دووماهیكێ یا خولا فۆتسالا کچێن کوردستانێ هاتە ئەنجامدان، کو ئەڤ یاریە ژی دناڤبەرا یانه‌یا ئافرەتێن دهۆکێ و یانا ئافرەتێن تەناهیێ ب رێڤەچوو، د ئەنجام دا یانەیا دهۆکێ شیا ب ئەنجامێ ٦ گۆلان بەرامبەری ۲ گۆلان یاریێ د بەرژەوەندییا خۆ دا بدوماهی بینن، و ب ڤی ئەنجامی و ب کۆمکرنا ۲۷ خاڵان یانه‌یا ئافرەتێن دهۆکێ بوونه قه‌هره‌مانا ڤێ خولێ، و یانا چومان ژى ل رێزا دووێ هات.
هەروەسا یاریزانا یانه‌یا دهۆکێ لاڤان محەمەد ب تۆمارکرنا ۳٦ گۆلان وه‌كو گۆلکارا ڤێ خولێ هاتە خەلاتکرن.
خانى نیوز،سەعد عاسف
