ژنه‌كا ئەمریکی ژ ئه‌گه‌رێ ره‌فتارێن وێ یێن سه‌یر دبیته ده‌نگ و باسێ گه‌رمێ میدیایێن جیهانى، ژبۆ كۆمكرنا پاره‌كێ مه‌زن، پترییا خۆشیێن ژیانا خو ژده‌ست داینه.
ل دووڤ ئاگاهیێن میدیایێن ئه‌مریكى ئەو ژن خودانا 5.3 ملیۆن دۆلارانه، به‌لێ ژبه‌ركو پارێ خوه بۆ خۆشیا نامه‌زێخیت، وه‌ك ره‌زیلترین ژنا ملیونێر ل جیهانێ دهێته نیاسین.
ئەو ژنا ره‌زیل ناڤێ وێ ئیمی ئیلیزابێس، ژێ وێ 50 سالن، رەتكر رێكێ بده‌ت مه‌زاختنا پارێ وێ یێ هه‌یڤانه ژ هزار دۆلاران زێده‌تربیت.
رۆژانە د مالا خوه‌دا زێده‌ترى 22 ده‌قا ئامیرێ گه‌رمێ بكار نائینیت، هه‌روه‌سا تنێ ئێك ئیسفه‌نج هه‌یه بۆ پاقژكرنا هه‌موو كه‌لوپه‌لێن مالێ، ئێك چه‌قۆ هه‌یه پشتى بكارئینانێ ناشووت ژبۆ هندێ پارێ ئاڤێ نه‌چیته ل سه‌ر هژمارا وێ، هنده‌ك ژ كه‌سێن نێزیكى وێ ئاشكردكه‌ن هه‌رده‌ما وێ ژنێ گوشت بڤێت پشیكا دخۆت ژبۆ هندێ پاره‌ى نه‌مه‌زێخیت.
ئیمی بۆ ده‌زگه‌هێن راگه‌هاندنێ ئاشکرا دكه‌ت، ب چ جۆره‌كێ گوهداریا ره‌خنه و تانان ناكه‌ت، وێ ئارمانجه‌ك هه‌یه و كار بۆ دكه‌ت.
