ناڤەندا بالا یا ئێکەتییا لاوێن دیموکراتا کوردستانێ ل زاخۆ ب ھەڤکاری دگەل رێکخراوا (F.W.E) یا ئەلمانی دێ رابن ب ڤەکرنا کەمپەکا مەشق و راھێنانێن یاریا تەپاپێ بۆ ماوێ سێ ھەیڤان و ب بەشداریا ٢٤٠ کەسان ژ کچ و کوران ژ تەمەنێ ٧ – ١٨ سالی و ب سەرپەرشتییا ماموستایێن بسپۆر و ئەکادیمی د یاریا تەپاپێ دا.
حکمەت محەمەد نوری بەرپرسێ ناڤەندا بالا یا ئێکەتییا لاوێن دیموکراتا کوردستانێ ل زاخۆ بۆ خانی نیوز دا زانین: ڤەکرنا کەمپا ناڤھاتی پتر بۆ ھندێ یە خزمەتا وەرزشا باژێرێ زاخۆ بھێتە کرن و نوو پێگەھشتی ژی بھێنە دیارکرن داکو یانەیا زاخۆ یا وەرزشی مفای ل یاریزانێن پێگەھەشتی ببینیت.
بەرپرسێ ناڤەندا بالا یا لاوان ل زاخۆ دیارکر ژی: د ڤان سێ ھەیڤان دا مەشق و ڕاھێنان و ھاتن و چوونا بەشداربوویان ھەمی بێ بەرامبەرە، د نوکە دا ناڤێن ھەژمارەکا باش یا پشکداران ھاتینە تۆمارکرن و ل نێزیک دێ دەست ب ڤەکرنا کەمپا مەشقێ ھێتە کرن، ھەرکەسەک د سنوری زاخۆ دا دشێت بەشدارببیت و قەستا ناڤەندا بالا ل زاخۆ بکەت بو ناڤ تۆمارکرنێ.
خانی نیوز، نزار مەجید
