شیره‌تكارێ رێبه‌رێ شۆره‌شا ئیسلامییا ئیرانێ راگه‌هاند؛ ههلبژارتنێن بهێن یێن ئیراقێ چاره‌نڤیسسازن و نابیت ده‌ستوه‌ردانێن بیانی تێدا هه‌بن.
ئاژانسا ته‌سنیم یا ئیرانی راگه‌هاند؛ عه‌لی ئه‌كبه‌ر ویلایه‌تی، شیره‌تكارێ خامنه‌یی، دوهی پێشوازی ل جینین بلاسخارت، هنارتییا نه‌ته‌وه‌یێن ئێكگرتی ل ئیراقی كر و د كۆمبوونێ دا دوپات كر، نابیت وه‌لاتێن بیانی ده‌ستوه‌ردانێ د ههلبژارتنێن ئیراقێ دا بكه‌ن ژبه‌ر كو چاره‌نڤیسسازن.
شیره‌تكارێ عه‌لی خامنه‌یی، گۆت ژی: گه‌ل و حكومه‌تا ئیراقێ رۆلێ سه‌ره‌كی د هه‌لبژارتنا چاره‌نڤیسێ خوه دا هه‌یه ژ به‌ر كو گه‌لێ وێ ره‌وشه‌نبیری و شارستانییه‌كا كه‌ڤن هه‌یه و په‌یوه‌ندیێن ئیران و ئیراقێ بهێزن.
عه‌لی ئه‌كبه‌ر ویلایه‌تی خویا ژی كر، رابه‌رێ شۆره‌شا ئیسلامییا ئیرانێ، قه‌در و رۆله‌كێ گرنگ ل ئیراقێ هه‌یه و هه‌روه‌سا پاشه‌رۆژا گه‌ل و حكومه‌تا ئیراقێ دێ یا گه‌ش بیت.
