سەرۆکێ حکومەتا ھەرێما کوردستانێ پێشوازی ل بالیۆزێ بریتانیا ل ئیراقێ کر و رەوشا دەڤەرێ و پەیوەندیێن ھەولێر و لەندەن گۆتوبێژ کرن.
مەسروور بارزانی ئەڤرۆ پێشوازی ل جێمس سۆرنتن، بالیۆزێ بریتانیا ل بەغدا کر و ھەردو ئالییان پەیوەندیێن د ناڤبەرا ھەرێما کوردستانێ و بریتانیا و رەوشا دەڤەرێ گۆتوبێژکرن.
سۆرنتن ئاشکرا کر، وەلاتێ وی بەرھەڤە ھەر ھاریکارییەکێ بکەت کو ھەرێما کوردستانێ و حکومەتا فیدرال بگەھنە رێککەتنەکا دادپەروەرانە و دۆمدرێژ ل سەر بنەمایێ دەستووری.
ژ ئالیێ خوەڤە مەسروور بارزان ئاشکرا کر، ھەرێما کوردستانێ ھەردەم پێگیریا خوە ب دەستووری بجھئینایە بۆ وێ یەکێ بگەھن رێککەفتنەکا دادپەروەرانە د گەل حکومەتا فیدرال و مافێن دەستووری یێن ھەرێما کوردستانێ دابین بکەن.
ھەروەسا سەرۆکێ حکومەتا ھەرێمێ و بالیۆزێ بریتانیا بەحس ل پرۆسەیا ھەلبژارتنێن ئیراقێ و بجھئینانا رێککەفتنا شنگالێ و دەرخستنا میلیشیا و ھێزێن چەکدار یێن نەقانوونی ژ وێ دەڤەرێ کر.
