نێچێرڤان بارزانی سەرۆکێ هەرێما کوردستانێ راگەهاند: چارەسەرکرنا ئاریشەیێن د ناڤبەرا حکومەتا هەرێما کوردستان و حکومەتا فیدرالا ئیراقێ کلیلا ئارامییا نها و داهاتیا ئیراقێ یە.
ئەڤرۆ رۆژا دوشەمبی ۱_۲_۲٠۲۱ ل هەولێرێ سەرۆکێ هەرێما کوردستانێ ل گەل ستیڤن هیکی بالیۆزێ بریتانیا ل ئیراقێ کۆمبوو و رەوشا ئیراقێ ب گشتی وهەرێما کوردستانێ ب تایبەتی ل گەل گوتوبێژکر.
د کۆمبوونێ دا پێشڤەبرنا پەیوەندیێن بریتانیا و هەرێما کوردستانێ، رۆلێ جڤاکا نێڤ دەولەتی د هاریکاریکرنا ئیراقێ و هەرێما کوردستانێ، دووماهی پێنگاڤێن گفتوگۆیێن هەولێر و بەغدایێ و پرسا بودجە و رەوشا ناڤخۆییا ئیراقێ و رێکەفتنا شنگالێ و مەترسیێن تیرۆرێ و سەرهلدان داعشێ و هەلبژارتنێن بهێت یێن ئیراقێ و پێشبینییێن نەخشەیا سیاسی یا پشتی هەلبژارتنان هاتنە گەنگەشەکرن.
ل گۆری راگەهاندنا سەرۆکاتیا هەرێمێ د کۆمبوونێ دا نێچیرڤان بارزانی سەرۆکێ هەرێمێ بەرهەڤییا هەرێمێ بۆ رێکەفتن ل گەل بەغدایێ و چارەسەرکرنا ئێکجارییا ئاریشەیان ل گۆری دەستوری و جێگیربوونا سیتەمێ فیدرالی نیشان دایە.
