ل دووڤ راگەهاندنا ئامارا سەرۆکاتییا دادگەها تێهەلچوونا ناوچا دهۆک کو دانەیەک دەست ب خانی نیوز کەفتیە، تێدا هاتییە ل سالا بۆری ٢٠٢٠ ل سنۆرێ پارێزگەها دهۆکێ ١٣٠٣ حالەتێن (طلاق) جودابوونا ههڤژینان دروستبوونە، ڤەکۆلەرەکێ جڤاکی ڤێ رێژا لێکجوودابوونێ ب مەترسیدار ل سەر كۆمهلگههى دبینیت و دبێژیت: زێدەبوونا رێژا بەردانێ دبیتە ئەگەرێ بەرئێکچوونا جڤاکی و پێکڤەگرێدانا خێزانێ دێ لاوازبیت کو نەشێن بەڕامبەری کیشەیێن جڤاكى نەتەوەیی و دەستوری براوەستن و هەستا نەتەوەیبوونێ ژی دێ کێم بیت.
عەبدولجەبار عەبدولرهحمان خویاکر ژی: زیانێن جودابوونێ گەلەکن و ژ ئهگهرێ ژئێكڤهبوونا ژن و زهلامى؛ زارۆکێن وان دێ بنە قوربانی و دیسان خێزانێن هەر دو لایان ژی دێ باجا وان دەن.
ناڤهاتی ئەگەرێ زێدەبوونا حالەتێن بەردانێ بۆ چەند هۆکاران د زڤرینیت ژ وان ژى ئەگەرێن کەسۆکی وەک نەگونجاندنا تهمهنێ وان و هەلبژارتنەکا نه دروست و نەبوونا حەز ژێکرنێ د ناڤبەرا ژن و مێران دا.
ههروهسا گۆت ژى: ئەگەرەکێ دی ژی ئهوه دهمێ كو خێزان مایتێکرنێ د ژیانا زارۆکێن خۆ دا دکەن، دیسان تنێ بوون کو دەلیڤا خیانەتێ زێدە دکەت و ئامێرین پەیوەندیێ و ئەنترنێت ژی بەشەکن ژ هۆکارێن جوودابوونێ.
خانى نیوز، عهبدوللا عهلى
