ھەڤسەرۆکێ بەرێ یێ پارتییا دیمۆكراتیك یا گه‌للان ھەدەپێ یێ زیندانکری ئەڤرۆ ب تۆمەتا سڤکاتیکرنێ ب سەرۆککۆمارێ تورکیا دێ ھێتە دادگەھکرن.
جاھید کرکازاک، پارێزەرێ سەلاحەدین دەمیرتاشی، ھەڤسەرۆکێ بەرێ یێ ھەدەپێ راگەھاند؛ ئەڤرۆ رۆژا چارشەمبی دادگەھا سەلاحەددین دەمیرتاشی یە و دێ ب تۆمەتا سڤکاتیکرنێ ب رەجەب تەیب ئەردۆغان، سەرۆککۆمارێ تورکیا جارەکا دی ھێتە دادگەھکرن.
پێشتر دادگەھا مافێ مرۆڤی یا ئەورۆپا داخواز ژ تورکیا کربوو سەلاحەدین دەمیرتاشی ئازادبکەن. لێ رۆژا د دووڤ دا ئەردۆغانی راگەھاند، ئەو پابەندی وێ بریارێ نابن و دادگەھا مافێن مرۆڤی یا ئەورۆپا نەشێت ل شوونا تورکیا بریاران بدەت.
تا نھا دو جاران دادگەھا مافێ مرۆڤی یا ئەورۆپا داخوازا ئازادکرنا دەمیرتاشی کرییە، لێ ب بریارا ئەردۆغانی ئەو داخوازى ناھێتە بجھئینان.
سەلاحەدین دەمیرتاش، ھەڤسەرۆکێ پێشتر یێ ھەدەپێ ل سالا ٢٠١٦ دگەل ھژمارەکا سەرکردە و پەرلەمانتارێن ھەدەپێ ب تۆمەتا ھاریکاریکرنا پەکەکێ ژلایێ حکومەتا تورکیا ھاتنە دەستەسەرکرن و تا نھا ٣٩ جاران ھاتییە دادگەھکرن.
