سەرۆکێ دەستەیا دەرگەھێن سنۆریێن ئیراقێ بەحسێ داخستنا دەرگەھێن نەفەرمی دکەت و ئاماژە ب ھندێ کرییە کو ئەگەرێ گرتنا وان دزڤریتە ڤە بۆ چەند رێکاران کو دێ ل ڤان نێزیکان بکارئینن، و چێدبیت دەست ب سەر کۆنترۆلکرنا دەرگەھێن سنۆریێن ھەرێمێ دا بھێنە گرتن.
گۆتی ژی، ل ڤان نێزیکان دێ چەند رێکارەکا بکارئینین، ژ وان ژی کۆنترۆلکرنا دەرگەھێن سنوریێن ھەرێما کوردستانێ، ئەڤەژی پشتی بکارئینانا رێکارێن یاسایی و جێبەجێکرنا دەق و بانگەوازێن فەرمی.
وائیلی ئاماژە ب ب بلندبوونا ئاستێ داھاتێ دەرگەھێن سنوری کرییە و ئاشکرا ژی کر، کو داھاتێ سالا ٢٠٢٠ێ سەرەرایی ڤایرۆسێ کۆرۆنایێ و قەدەغەیا ھاتن و چوونێ، لێ بەرامبەری سالا ٢٠١٩ێ زێدەببوو.
ل دووڤ ئاخفتنا وائیلی ل سالا ٢٠٢٠ێ بۆ ماوێ حەفت ھەیڤان دەرگەھـ ھاتبوونە داخستن و قەدەغەیا ھاتن و چوونێ ب ئەگەرێ کۆرۆنایێ راگەھاندبوو، کو داھاتێ دەرگەھان د وێ سالێ دا ١٩٤ ملیار دینار بوون، د دەمەکیدایە کو نە کۆرۆنا و نە قەدەغەیا ھاتن و چوونێ و نە داخستنا دەرگەھان ھەبوویە، و داھات ١٢٢ ملیار دینار بوون.
