وەزیرێ کار و کاروبارێن کۆمەڵایەتی ل ئیراقێ راگههاند؛ هژمارا كرێكارێن بیانى ل ئیراقێ گههشتییه نێزیكى 600 هزار کرێکاران و مۆلەت ژ وەزارەتا کار وەرگرتینه.
عادل روکابی، راگەهاندییه؛ ئهو ب وهرگرتنا كرێكارێ، بیانی پابهندن، لێ ل گۆرهى یاسایێن کۆمپانییان دبیت 50٪ دەستکارێن عێراقی بێخنە سەر کارێ، هەر کۆمپانیهكا ڤێ بڕیارێ بجهنهئینیت ل دووڤ یاسایا کار دێ دهنه دادگههێ.
هەرێما کوردستانێ ل مهها ئادارا 2020 ب ئهگهرێ بهلاڤبوونا ڤایرۆسێ کۆرۆنا، هاتنا کرێکارێن بیانی بۆ هەرێما کوردستانێ قەدەغەکربوو، لێ ل دهسپێكا مهها ئەیلوولا بوورى جارهكا دی دەرگههێن ههرێمێ بۆ هاتنا کرێکارێن بیانی هاتینه ڤهكرن.
د. عارف حیتۆ، رێڤهبهرێ گشتی یێ كار و كارۆبارێن كۆمەلایەتی ل ئەیلوولا بوورى راگەهاندبوو: هەرێمێ مۆلەت ژ بۆ هاتنا كرێكارێن بیانی تایبەت خزمەتكارێن ناڤمالێ بۆ ماوێ دو سالان دایه و نێزیكى 12 هزار كرێكارێن ناڤمالێ یێن بیانی ل كوردستانێ هەنه، ل گۆرهی ئامارێ، رێڤهبهریێ ژی، ل سالا بوورى 6 هزار و 358 كرێكارێن بیانی یێن ناڤمالێ هاتینه كوردستانێ.
