هۆشدارى ل دۆر سه‌رهلدانا داعشێ ل ناڤ ئاخا ئیراقێ دهێته‌ دان

ھەڤپەیمانییا ناڤدەولەتییا دژی داعشێ ھۆشداریان ل دۆر زێدەبوونا مەترسیێن داعشێ ل سەر ئاخا ئیراقێد دەت و رادگه‌هینیت: پێدڤییە ب ھۆشیاری سەرەدەری دگەل ڤی بابەتی بھێتە کرن، ئەڤە ژی وەک کارڤەدانەکێ بوو پشتی ئەوێ زنجیرا تەقینان و ھێرشێن ڤێ دوماھیێ د ناڤ ئیراقێ دا رووداین.

ل دووڤ نوچەکێ مالپەرێن عەرەبی، کۆلۆنیل واین ماروتۆ، پەیڤدارێ ھەڤپەیمانییا ناڤدەولەتی بۆ رووبرووبوونا داعشێ راگەھاندییە، پشتی وان چەند ھێرشێن ڤێ داویێ ل دەڤەرێن جودا جودا یێن ئیراقێ روویداین، مەترسیێن داعشێ بەرەڤ زێدەبوونێ دچن و ھۆشداری ژی د دەتە بەرپرسێن ئیراقێ ھەتاکو زێدەتر ھۆشیاربن سەبارەت ئەڤێ پرسا ھەستیار.