ژ ئەگەرێ شەرەکی د ناڤبەرا دو مالباتان دا ل پارێزگەھا ئادیامانێ ل باکوورێ کوردستانێ، حەفت کەس ھاتنە کوشتن و سێ ژی برینداربوون.
ئاژانسا ئەنادۆلێ یا فەرمیا تورکیا راگەھاند، روودان دوھی ل گوندهكێ ئادیامانێ ل باكوێ كوردستانێ، دناڤبەرا دو مالباتان دا روودایە و ھەردو لا ب چەکی روو ب روو ئێک بووینە و د ئەنجام دا حەفت کەس ھاتنە کوشتن و سێ ژی برینداربوون.
بەری نوکە ژی ناکوکی دناڤبەرا وان ھەردو مالباتان دا ھەبوون و نوکە ل دووڤ ئاژانسێن تورکی، ھێزێن ئێمناھیێ ل گوندێ وان بەلاڤکرینە ھەتاکو رێکێ نەدەن جارەکا دی شەر دروست ببیت.
