وەزیرێ باژێرڤانی و گەشتوگۆزاریێ ھەرێمێ راگەھاند: د سالا ٢٠٢٠ێ دا، بەراوردی ب سالا ٢٠١٩ێ، رێژا داھاتێ ژ ٧٥% کێمکرییە
ساسان عەونی، وەزیرێ باژێرڤانیێ و گەشتوگۆزاریێ ھەرێمێ د کۆنفرانسەکێ رۆژنامەزانی دا بەحسێ رێکخستنا داھات و خزمەتگۆزاریێن کەرتێ گشتی و باژێرڤانی و ئاڤ و شوێنەواران کرن و راگەھاند، ل سالا ٢٠٢٠ێ ب ئەگەرێ بەلاڤبوونا ڤایرۆسێ کۆرۆنایێ داھاتێ وان کێمکرییە.
ئەو ژی دیارکر، دەربارەی کێمبوونا داھاتی د سالا پار دا حکومەتێ خەرجیێن زۆر کرینە ژبۆ کۆمکرنا بەرمایکان و دابینکرنا ئاڤا ڤەخوارنێ و خزمەتێن باژێرڤانیێ و کەسکاتیێ، کو چ جوداھییەکا وەسا نەبوو دگەل سالێن دی.
ساسان عەونی گۆت ژی: ئەو داھاتێ ب دەست وەزارەتا وان دکەڤیت بۆ خزمەتا وێ دەڤەرێیە، و ھەتا ئەو داھاتە زێدەتر ژی لێ بھێت پێدڤی ب جێبەجێکرنا پرۆژێن زێدەترە.
