وهزارهتا ناڤخۆیا ئیراقێ د راگههاندنهكێ دا راگههاندییه، دهزگههێ ههوالگیریا ئیراقێ ب ههماههنگى دگهل هێزێن نافخۆ شیاینه 13 چهكدارێن مهترسیدار سهر ب رێكخراوا تیرۆرستێن داعش د چهند دهڤهرێن جودا دا دناڤ باژێرێ بهغدا یا دا پایتهخت دهستهسهربكهن.
ئاماژه ب هندێ ژى كرییه ئهو تیرۆرست بهرپرسبوون ژ ئهنجامدانا كریارێن تیرۆرستى د ناڤ باژێرێ كهركوكێ و نهینهوا و باكوورێ باژێرێ بهغدا دا، و پشتى كۆمكرنا زانیاریێن هویر ژى، هێزێن دهزگههێ ههوالگیرییا ئیراقى شیان ههموویان دهستهسهربكهن و و د نوكه دا دانپێدان ب تاوانا خۆ كرییه و دێ رووبرووى دادگههێ بن.
پشتى پهقینا خۆكوژییا مهیدانا تهیران ل باژێرێ بهغدا، بزاڤێن هێزێن ئهمنی یێن ئیراقێ ل ژێر ناڤێ ئۆپراسیۆنا (تۆلڤهكرنا شههیدان) چڕتر بووینه، ئهڤه ژى پشتى كو زێدهتر ژ 150 كۆشتى و بریندار ژ پهقینێ چێبووین.
ئێكسهر پشتى وێ روودانێ ژى، مستهفا كازمى، سهرۆك وهزیرێن ئیراقێ بریارا لابرنا چهند بهرپرسهكێن ئێمناهیێ یێن بلند دهركر.
