ئەڤرۆ دووشەمبی ٨ شوباتێ ٢٠٢١ێ، وەزارەتا ساخلەمی و ژینگەھا ئیراقێ ئامارا ٢٤ دەمژمێرێن بوری یێن تایبەت ب کۆرونایێ بەلاڤکرییە و ل دووڤ ئاماران د وی ماوەی دا ھزار و ٧١٣ توشبوویێن نوو ھاتینە تۆمارکرن و ھوسا سەرجەمێ گشتیێ توشبوویان گەھشتییە ٦٣٠ ھزار و ٢٦٣کەسان.
ھەر ل دووڤ ئامارێ ژی، شەش توشبوویان ب ڤایرۆسێ گیانێ خۆ ژ دەست داینە، ب ڤێ چەندێ ژى ھژمارا گیان ژ دەستدانان ب ڤایرۆسی گەھشتینە ١٣ ھزار و ١٢٦ کەسان.
دەربارەی چاکبوونێ ژی، وەزارەتا ساخلەمی و ژینگەھا ئیراقێ ئاشکرا کر، ٨٤٨ کەس چاکبووینە و سەرجەمێ گشتیێ چاکبوویان گەھشتیە ٦٠١ ھزار و ٤١ کەسان.
