ژئەنجامێ باران بارینا رۆژێن دەربازبووی پرا گەلیێ سێ پرکا ل دەڤەرا بەرێگارەی ل سنۆرێ قەزا ئامێدیێ ھەرفتیە و رێکا سێ گوندان ھاتیە گرتن .
شڤان رەمەزان، ئاکنجیێ گوندێ ھەڤندکا بۆ خانی نیوز ئاشکرا کر، ژ ئەگەرێ باران بارینێ پرا گەلیێ سێ پرکا ھەرفتیە و رێکا ھەرسێ گوندێن بەلیتێ وزێوا سەیدا و گارەی ل دەڤەرا بەرێگارەی ھاتیە گرتن و کەس نەشێت قەستا گوندێن خوەبکەت .
ناڤبری گۆت: ئەو رێکا گەلیی ب پیایە و خەلکێ وان گوندان و گەشتیار ژی ب رێکا وێ پرێ ھاتنوچوون دکر و دشیان قەستا گوندێن خوە و جھێن گەشتاریێن دەڤەرا بەرێگارەی بکەن .
گەلیێ سێ پرکا جھەکێ کەڤن وشوونوارییە و جھەکێ گەشتیارییە و سالانە رێژەکا مەزنا گەشتیارێن ناڤخوەیی ودەرڤە قەستا وی گەلیی دکەن .
خانی نیوز، ھەیوار ستار
