سەرۆك مەسعود بارزانی پەیامەكا گرنگ ئاراستەیی سەركردایەتییا سیاسییا عیراقێ كر و هۆشداری دا قووناغەكا هەستیار و چارەنڤیساز كو عیراق تێدا دبووریت، داخوازا دانوستاندنێن جددی و سازانا نیشتیمانی بۆ دەربازكرنا قەیرانان و پاراستنا سەقامگێری و دەستووری و مافێن گەلێ عیراقێ كر.
سەرۆك بارزانی دپەیاما خۆدا دووپاتی ل سەر گرنگییا چركرنا دانوستاندنێن دوولایانە و ب كۆم بۆ دەربازكرنا ئەڤێ قووناغێ و كاركرن بۆ ساركرنا خالێن ناكۆك و گەهشتن ب لێكتێگەهشتنا دەستووری و ڕێككەڤتنەكا نیشتیمانییا ڕاستەقینە و هەڤپشككرن و هەڤسەنگی و تەوافقا نیشتیمانی كر.
هەروەسا دیاركر، ئەوان پێ باشە ڕوونشتنەكا پەرلەمانی بۆ هەلبژارتنا سەرۆككۆماری بهێتە كرن، پاشان جڤاتا وەزیران، ژبەركو ئەڤ قووناغە پێدڤی ب كۆمكرنا هەموولایان هەیە د پرۆسەیا سیاسیدا.
ئاماژە ب هندێ ژی دا، پارتی دیموكراتی كوردستان ژ دەستپێكێ هەلویستێ خۆ ل سەر گرنگییا هێزێن سیاسی یێن نیشتیمانی بۆ هەلبژارتنا سەرۆككۆماری ل پەرلەمانی دووپاتكریە، كار دگەل هەموو حزبێن كوردستانی یان كوتلەیێن پەرلەمانی یێن كوردی كریە بۆ گەهشتن ب نوونەرایەتییەكا دادپەروەرانە بۆ پێكهاتەیێن وەلاتی، پێدڤییە هەموو لایەن و جڤات پابەندبن ب دیاركرنا نوونەرێن خۆ و چ هەلبژارتنێن دی نەبن ژبلی هەلبژارتنێن نوكە هەین.
هەروەسا سەرۆك بارزانی دپەیاما خۆدا دیاركر، ئەوان دەم و بزاڤێن مەزن بەخشینە بۆ گەهشتن ب ئەڤان هەلبژارتنان ژلایێ كوتلێن كوردیڤە، لێ ئەڤ هەلبژارتنە پشتەڤانێن چارەسەرییێ نەبوون و چ ئەنجامێن بەرۆڤاژی نەبوون ژبلی ناكۆكییێن كوورتر و هەستیارییەكا زێدەتر د وەلاتیدا، لەوما دڤێ قووناغا هویر و هەستیاردا، دڤێت ئەنجام دواقعی بن و بەرژەوەندییا نیشتیمانییا بلند بۆ وەلاتی بەرچاڤ وەربگرن، وەكو د دانوستاندنێن دناڤبەرا لایەنێن پەیوەندیداردا دووپاتی لێ هاتییە كرن بۆ گەهشتن ب چارەسەرییەكا سەركەڤتی و بەردەوام كو سەروەرییا عیراقێ و ئاساییشێ ب پارێزیت.