رێڤه‌به‌ریا گشتی یا بەرهەمهێنانا كارەبا هەرێمێ راگەهاند، ئاستێ بەرهەمهێنانا كارەبێ بۆ سێ هزار و 800 مێگاواتان زێده‌كرییه و هه‌مبه‌ر ب سالا بوورى گه‌له‌ك بلندبوویه، دشێن سال بۆ سالێ کارەبێ بەرەف باشیێ ببەین.
دیار بابان رێڤه‌به‌رێ گشتی بەرهەمهێنانا كارەبا هەرێمێ راگەهاند؛ ئاستێ بەرهەمهێنانا كارەبێ بۆ سێ هزار و 800 مێگاواتان زێده‌كریه، بریاره ل مه‌ها چار یا ئەڤ ساله 100 مێگاواتێن دی كارەبێ ل گەرمیان بەرهەمبینین و ل مه‌ها تیرمه‌هـێ دا ل بەرهەمهێنانا كارەبێ ل گەرمیان بۆ 165 مێگاواتێن كارەبێ بلندكه‌ن.
دیار بابان گۆت: بریارە بەرهەمهێنانا غازا سروشتی بۆ 200 پێ سێجا بلندبكه‌ن ب ڤێ دشێن پتریا وێستگەهێن ژ كاركەفتین بێخنه‌كارى و ره‌وشا كارەبێ ب شێوەکێ بەرچاڤ سالانه باشتر ببت.
سالانە ل گه‌ل هاتنا وەرزێ سەرما و گەرمێ دا داخواز ل سەر بكارئینانا کارەبێ ل هەرێمێ زێده دبیت و لێ سه‌عه‌تێن پێدانا کارەبێ پتریا جاران كێمدبیت، د ئه‌ڤ ساله دا کارەب بۆ وه‌لاتیان ژ 12 سه‌عه‌تان ده‌رباز نابیت، ئەڤه بویه ئه‌گه‌رێ نه‌رازى بوونێ ل ده‌ف وه‌لاتیان.
