پشکەک ژ کۆمبوونا ئەڤرۆ یا حکومەتا ھەرێما کوردستانێ دەربارەی دیاردا قەچاخچیکرنێ ل پشکەک ژ خالێن سنووری بوو کو تا نوکە ژی بەردەوامە، پشتی کۆمبوونێ مەسرور بارزانی گۆت: ئەز یێ رژدم ل سەر نەھێلانا دیاردا قەچاخچیکرنێ و دێ ب دوماھیک ئینین، و دبێژیت ئەو ھێزا ھەڤپشکا کو یا ھاتییە دروستکرن دێ ل ھەموو سنووران جێگیر بن.
سەرۆکێ حکومەتێ ل دۆر وێ ھێزا ھەڤپشک زێدەتر گرت: و ئەگەر ئاریشە و گرفتێن سیاسی ھەبن بلا ئێکەم جار ژ سنورێن ھەولێر و دھۆکێ دەست پێبکەن، و پاشی بچنە سنوورێن دی، ئەز یێ رژدم ل سەر ھندێ کو پێدڤییە ئەو ھێزە بھێتە جێگیرکرن.
ئاماژە ب ھندێ ژی دا کو ھەتا نوکە لژنە نەگەھشتییە چ ئەنجامان و ھێز ژی بۆ ھەموو جھان نەھاتییە ھنارتن، ھێز ژی پێدڤی ب رێکخستنێ و رێنمایان ھەیە، لژنێ ژی داخواز کرییە کو د ڤی ماوەی دا دەرفەت ب وان بھێتە دان.
