ئومێد ئەحمەد پەیڤدارێ وەزارەتا کارەبێ بۆ خانی نیوز راگەھاند: ل دەمێ بۆری بزاڤێن وەزارەتا کارەبێ د بەردەوامبوون بۆ زێدەکرن و بەردانا کارەبێ و کارکرنا تۆرێن کارەبێ و ڤەگۆھاستنا وێ بۆ ھەموو تورێن دی، دیارکر ژی کو د دەمێ بۆریدا و ب رێکا زێدەکرنا بەرھەمێن غازێ دشیاندایە کارەبێ ل ھەموو ویستگەھێن کارەبێ زێدەببن و ھاوەردەکرنا ١٤٠ میگاواتان ل وەلاتێ تورکیا ب تایبەت کاریگەریا وێ ل دەڤەرا بادینان و ل دھۆکێ رەنگڤەدایە.
گۆت ژی: ھەروەسا دگەل بلندبوونا پلەیا گەرماتیێ خواستا خەلکی ژی ل سەر کارەبێ کێمبوویە چونکی نھا کێمتر کارەبا بۆ خۆگەرمکرنێ بکاردھێت. ژبەر کێمبوونا ڤێ فشارێ ژی، دەمژمێرێن بەردانا کارەبێ ب بەراورد ل گەل دەمێن بۆری زێدەبوویە.
پەیڤدارێ وەزارەتا کارەبێ دیارکر ژی: نوکە رۆژانە ئەو پتری ١٥ دەمژمێران کارەبێ ددەنە وەلاتییان و ل ھندەک دەڤەرێن دی ژی پتر ژ ١٦ دەمژمێران کارەبا نشتیمانی ھەیە.
خانی نیوز، چنار ئەحمەد
