ئەردێ زێدەگاڤی ھەتا 800 مەتران دێ ھێتە تاپۆکرن

ئەندامەکا لژنا باژێرڤانی و گەشت و گوزارێ ل پەرلەمانێ کوردستانێ ئاشکراکر، قانوونا تاپۆکرنێ بۆ پەرلەمانی ھاتیە ڤەگەراندن ژبەرکو گەلەک ئاریشە دروست بووینە.
کلارا عودیشو یەعقوب بۆ خانی نیۆز گۆت: قانوونا ھەژمارە (3) یا سالا 2019ێ یا تایبەت ب تاپۆکرنا خانی و ئەردێن زێدەگاڤی دێ ھێتە راستڤەکرن، ژبەرکو گەلەک کێشە دروست بووینە و ناھێتە بجھئینان و گەلەک زێدەگاڤی ل سەر ئەردێ حکومەتێ ھەنە و ل جھێن جودا وەک سەنتەر و ئەردێن چاندنێ و گەشت و گوزارێ و گەلەک ئەردان ژی رسوماتێن ژێ دھێنە وەرگرتن ژ بھایێ عەردی پترن، بۆ نموونە ھندەک ئەرد وەک رسومات دو ملیۆن دینار دھێنە وەرگرتن و بھایێ وی ئەردی ئێک ملیۆن دینارە، لەوما قانوون دێ ھێتە راستڤەکرن.
کلارا عودیشو یەعقوب گۆت: ئەرد ل گشت پارێزگەھـ و ئیدارێن سەربەخوە ل کوردستانێ زێدەگاڤی ل سەر ھاتیەکرن و ھەمی جورێن ئەری، وەک (چاندنێ و گەشتیاری) ل گوندان، ھەر کەسەکی بتنێ ماف ھەیە ھەتا 800 مەترێن ئەردی بۆ بھێتە تاپوکرن.
خانی نیوز، سالار محەمەد دۆسکی: