رۆژا پێنجشهمبى 11 شوباتێ 2021ێ ل سهلاحهدین سهرۆك مهسعود بارزانى پێشوازى ل میر حازم تهحسین بهگ، میرێ ئێزدیێن كوردستانێ و جیهانێ و جڤاتا رۆحانى یا ئێزدییان كر.
د دیدارهكێ دا بهحسێ رهوشا خۆشك و برایێن ئێزدى و رهوشا شنگالێ و ململانێن بهرامبهرى ئاسایبوونا ژیانا ئێزدیان ل دهڤهرا شنگالێ كرن و میر حازم بهگ و بابا شێخ عهلى و ئهندامێن جڤاتا رۆحانییا ئێزدییان سوپاسییا سهرۆك بارزانى كرن، كو ههردهم دگهل ئێش و ئازارێن ئێزدیان بوویه و داخواز كر كو سهرۆك بارزانى ههموو شیانێن خۆ ب مهزێخیت بۆ هندێ كو ئێزدى جارهكا دى ب ئاسایى بچنه سهر مال و حالێن خۆ و كار بۆ هندێ بهێته كرن، شاندا مێهڤان داخوازا هندێ ژى كر كو ئێزدیان ل دام دهزگههێن ههرێمێدا پشك و رۆلێ خۆ ههبیت.
ههر د وێ كۆمبوونێ دا سهرۆك بارزانى تائكید ل هندێ كر كو ههردهم پشتهڤانێ داخوازیێن خوشك و برایێن ئێزدى بوویه و ههرێما كوردستانێ و هێزێن پێشمهرگهى پشتهڤانییا ئێزدیان كرینه و ل شهرێ داعشێ دا بۆ ئازدكرنا دهڤهرا شنگالێ، پێشمهرگهى 500 شههید داینه، سهرۆك بارزانى ب پێدڤى زانى، كو رێككهفتنا شنگالێ بهێته بجهئینان، و داخواز ژى كر، كو ئێزدیان ئێكرێزییا ناڤخۆیى ههبیت و رێكێ نهدهن دهنگێن لابهلا و غهریب زیانێ ل ئێكرێزیا وان و ئایبنێ وان بكهت.
