مەلا ئحسان رێکانی، ئەندامێ لژنا ئەوقاف و کارۆبارێن ئاینی ل پەرلەمانێ کوردستانێ بۆ خانی نیوز گۆت: نێزیکترین دەم دێ دو بۆردێن لاوەکی ل پارێزگەھێن دھۆکێ و سلێمانیێ ھێنە دروستکرن بۆ ئێکگرتنا گۆتارا ئاینی و ئەڤ بۆردە دێ لبن دەستھەلاتا بۆردێ گشتی بن ل ھەولێرێ.
رێکانی گۆت ژی: د ڤی بۆردێ گشتی دا ھەموو ھزر تێدا ھەنە و کارەکێ گەلەک پیرۆزە ل پتریا وەلاتێن جیھانا ئیسلامی ھەنە وەک تورکیا، ئیمارات، مالیزیا و ئارمانج ھاریکاریا مامۆستایێ ئاینی یە نەوەکو ھندەک ئاماژە پێ دکەن کو سنۆردارکرنا گۆتارا ئاینی یە.
ل گۆره‌ى زانیاریێن دەست ب خانی نیوز کەفتین، پتر ژ 5 ھزار مزگەفتان ل کوردستانێ ھەنە و ب رێکا نامێن واتس ئاپێ حەفتیانە مامۆستایێن گۆتاربێژ ل سەر بابەتێ گۆتارێ و خالێن دەستنیشانکری دھێنە ئاگەھدارکرن، ب ھەر دو زمانێن کوردی و عەرەبی و زاراڤێن سۆرانی و کرمانجی.
