پارتییا کارکەرێن کوردستانێ پەکەکێ راگەھاند، د شەر و پەڤچوونێن ل چیایێ گارەی د ناڤبەرا سوپایێ تورکیا و گەریلایێن وان دا ب کێمی نەھـ سەربازێن تورکیا ھاتینە کوشتن.
ژێدەرەکی ژ ھێزێن پاراستنا گەل ھەپەگێ، بالێ سەربازیێ پەکەکێ بۆ میدیایا حزبا خوە راگەھاند، ل چیایێ گارەی شەر و پەڤچوون د ناڤبەرا سوپایێ تورکیا و گەریلایان دا چێبوویە، ب کێمی نەھـ سەربازێن تورکیا ھاتینە کوشتن، ئامارا قوربانیێن پەکەکێ ژی ئاشکرا نەکرییە.
ژ ئالیێ خوەڤە وەزارەتا بەرگرییا تورکیا راگەھاند، د شەر و پەڤچوونێن چیایێ گارەی دا د گەل گەریلایێن پەکەکێ، دو سەربازێن وان ھاتینە کوشتن و چار ژی بریندار بووینە، ژ ئەنجامێ ھێرشێن ئاسمانی ژی ل سەر پێگەھێن پەکەکێ زیانەکا مەزن گەھاندیێ، ئاماژە ژ ب ئامارا قوربانییان ژی نەدا.
