میدیایێن ئیرانى به‌لاڤكرییه كو سه‌رۆكێ ده‌زگه‌هێ داد یا ئیرانى ل به‌غدا د گه‌ل شانده‌كێ پارتى دیموكراتى كوردستان كۆمبوونه و داخواز ل هه‌رێما كوردستانێ كرییه، ئه‌وان كه‌سان راده‌ستبكه‌ن، كو ل ئیرانێ بریارا گرتنا وان هه‌یه.
ل دووڤ میدیایێن ئیرانێ ئه‌ڤرۆ پێنجشه‌مبى، ئیبراهیم ره‌ئیسى، سه‌رۆكێ ده‌زگه‌هێ داد یا ئیرانى ل دوماهیك رۆژێن سه‌ره‌دانا خۆ دا بۆ ئیراقێ ل گه‌ل هۆشیار زێبارى، ئه‌ندامێ مه‌كته‌با سیاسییا پارتى و نوونه‌رێ تایبه‌تێ سه‌رۆك مه‌سعود بارزانى كۆمبوونه.
و ل دووڤ نووچه‌یان، ئیبراهیم ره‌ئیسى د وێ كومبوونێ دا داخوازكرییه كو لایه‌نێن سیاسیێن كوردستانێ یه‌كرێزى و ئێكگرتى بن و داخواز كرییه كو ژ ئه‌مریكا دویر بكه‌ڤن.
ل دووڤ وان وێنێن میدیایێن ئیرانێ به‌لاڤكرین ژبلى هوشیار زێبارى، هه‌ر ئێك ژ جه‌عفه‌ر ئێمینكى، ئه‌ندامێ مه‌كته‌با سیاسییا پارتى و عه‌ره‌فات كه‌ره‌م، راوێژكار ل باره‌گایێ بارزانى بۆ كاروبارێن ئیراقێ پشكدارى د كۆمبوونێ دا كرییه.
