میدیایێن نزیكى په‌كه‌كێ: د شه‌رێ گاره‌ی دا 9 سه‌ربازێن تورك هاتنه‌ كوشتن

میدیایێن سەر ب پارتییا کرێکارێن کوردستانێ (پەکەکە)ێ به‌لاڤكرییه‌ كو د شه‌ر و پێكدادانێن د ناڤبه‌را سوپایێ توركیا و په‌كه‌كه‌ ل چیایێ گاره‌ى 9 سه‌ربازێن توركیا هاتنه‌ كوشتن، كو ئێك ژ وان هارون تۆرهان، فه‌رماندێ هێزێن تایبه‌تێن توركیا بوو ل چیایێ گاره‌، ‌لێ هه‌تا نوكه‌ زیانێن گیانیێن په‌كه‌كێ نه‌هاتینه‌ ئاشكرا كرن.

ژلایێ خۆڤه‌ وه‌زاره‌تا به‌رگرییا توركیا راگه‌هاندبوو: هێزه‌كا سوپایێ توركیا ئۆپراسیۆنا (چنگى پلنگ2) بۆ سه‌ر باره‌گایێن پارتا كرێكارێن كوردستانێ (په‌كه‌كه‌) ل چیایێ گاره‌یى ل سنورێ قه‌زا ئامێدیێ ل پارێزگه‌ها دهۆكێ ده‌ستپێكرییه‌ و د ئه‌نجامێ رووبرووبوونا وان دا دگه‌ل هێزێن په‌كه‌كێ دوو سه‌ربازێن وان هاتنه‌ كوشتن و چوار سه‌رباز ژى د برینداربوون.

به‌رگرییا توركیا گۆتییه‌ ژى: دوو سه‌ربازێن توركیا ل یه‌كه‌یا كۆماندۆى یێن پیاده‌ ب ناڤێن بوراك چۆشكن و هارون تورهان د شه‌ر و پێكدادانان دا هاتنه‌ كوشتن.