مه‌سروور بارزانى: ژبه‌ر په‌رژه‌وه‌ندیێن تایبه‌ت ئاسته‌نگ بۆ چاكسازیێ دروست دبن

سه‌رۆكوه‌زیرێن هه‌رێما كوردستانێ د چالاكیا سالانه‌ یا تێدێكسا نیشتمانى دا راگه‌هاند: بۆ گه‌هشتنا ئارمانجا چاكسازیێ ده‌م پێدڤێت، هنده‌ك جار ژى هنده‌ك كه‌س بۆ په‌رژه‌وه‌ندیا تایبه‌تا خوه‌ ئاسته‌نگان بۆ چاكسازیێ دروست دكه‌ن. 

مه‌سرور بارزانى راگه‌هاند، ئه‌و كارى ل سه‌ر دیجیتالكرنا حكومه‌تێ دكه‌ن و ره‌خساندنا ده‌رفه‌تێن كارى بۆ گه‌نجان، بۆچوونێن گه‌نجان ژى د جودانه‌ و ئه‌و  هه‌ژى وه‌لاته‌كێ خۆشتر و گه‌شترن، ژبه‌ر وێ یه‌كێ نابیت ده‌مێ بوورى بكه‌نه‌ ئه‌گه‌رێ هه‌بوونا ڤالاتییان بۆ  حكومه‌تێ و گه‌نجان.

سەرۆکوەزیرێن هەرێما کوردستانێ گۆت ژى: ئارمانجا وان ئابووره‌كێ پشت به‌ست بیت و ب بهایێ نه‌جیگیرێ په‌ترۆلێ بگۆهورن بۆ ئابووریه‌كێ پێشكه‌فتیتر بۆ هندێ ببینه‌ كۆمه‌لگه‌هه‌كا وه‌به‌رهێنه‌ر نه‌كو بكارهێنه‌ر.

د پشكه‌كا دى یا ئاخفتنێن خوه‌دا مه‌سرور بارزانى به‌حسێ دیجیتالكرنا حكومه‌تێ كر و گۆتى: ب دیجیتالكرنا حكومه‌تا هه‌رێما كوردستانێ زۆر گرنگه‌ بۆ گه‌هشتنا كۆمه‌كا ده‌ستكه‌فتان.