<h3 style="text-align: justify;"><span style="font-size: 18pt;">سه‌رۆكێ دیوانا جڤاتا وه‌زیرێن هه‌رێما كوردستانێ راگه‌هاند، سه‌ره‌دانا ئه‌ڤ جاره یا شاندێ هه‌رێما كوردستانێ بۆ به‌غدا هه‌تا په‌سه‌ندكرنا بودجه‌ى دێ میننه ل وێرێ.</span></h3> <h3 style="text-align: justify;"><span style="font-size: 18pt;"> ئومێد سه‌باح، سه‌رۆكێ دیوانا جڤاتا وه‌زیرێن هه‌رێما كوردستانێ ئه‌ڤرۆ رۆژا شه‌مبى راگه‌هاند، هه‌ولێرێ دڤێت د چوار چووڤێ ده‌ستوورێ هه‌میشه‌یى یێ ئیراقێ دا دگه‌ل به‌غدا رێكبكه‌ڤیت.</span></h3> <h3 style="text-align: justify;"><span style="font-size: 18pt;">ئومێد سه‌باح راگه‌هاند، ئه‌ڤرۆ دگه‌ل قوباد تاله‌بانى، جێگرێ سه‌رۆكێ حكومه‌تێ و سه‌رۆكێ شاندێ دانوستانكارێ هه‌رێما كوردستانێ بۆ به‌غدا دێ كۆم بن و به‌رهه‌ڤییان بۆ سه‌ردانا به‌غدادكه‌ن.</span></h3> <h3 style="text-align: justify;"><span style="font-size: 18pt;">سه‌رۆكێ دیوانا جڤاتا وه‌زیران ئاماژه ب هندێ ژى دا كو مه‌سروور بارزانى، سه‌رۆكێ حكومه‌تێ رازیبوون ل سه‌ر چوونا شاندێ دانوستانكارێ حكومه‌تێ بۆ به‌غدا دایه.</span></h3> <h3 style="text-align: justify;"><span style="font-size: 18pt;">ئومێد سه‌باح دوپات كر، كو ئه‌ڤ جاره شاندێ هه‌رێما كوردستانێ هه‌تا په‌سه‌ندكرنا پرۆژه‌قانوونا بودجا گشتى یا ئیراقێ بۆ سالا 2021ێ دێ ل به‌غدا مینن.</span></h3> <h3 style="text-align: justify;"><span style="font-size: 18pt;">ده‌رباره‌یى ده‌نگۆیێ داخوازكرنا 450 هزار به‌رمیلێن په‌تۆلێ ژى رۆژانه، سه‌رۆكێ دیوانا جڤاتا وه‌زیران راگه‌هاند، حكومه‌تا ئیراقێ پێشنیازه‌كا هوسا نه‌كرییه.</span></h3>
