بۆ جارا ئێکێ پارێزگەرێ دهۆكێ دێ مێھڤان بیت

سکرتێرێ جڤاتا پارێزگەھا دھۆکێ ئاشکرا کر، بۆ جارا ئێکێ پشتی دەستبکاربوونا وی، پارێزگەرێ دھۆکێ دێ بیتە مێھڤانێ جڤاتا پارێزگەھا دھۆکێ و دێ پلان و بەرنامێن کارێ وی ھێنە گەنگەشەکرن.
رزگار نێروەیی، سکرتێرێ جڤاتا پارێزگەھا دھۆکێ بۆ خانی نیوز ئاشکراکر و بەرھەڤی دھێنەکرن کو د. عەلی تەتەر، پارێزگەرێ دھۆکێ ل کومبوونەکا جڤاتا پارێزگەھێ مێھڤان بیت و گەنگشێ ل سەر چەندین بابەتان بکەن، بێی ژڤانێ وێ کۆمبوونێ ئاشکرا بکەت.
نێروەیی ئاشکرا ژی کر کو ل کۆمبوونەکا سەرۆکاتیا جڤاتێ ل گەل سەرۆکێن لژنان بریار ل سەر مێھڤانکرنا پارێزگەری بۆ کۆمبوونەکا جڤاتێ ھاتبوو دان، د ڤێ کۆمبوونێ دا دێ کۆمەکا دانوستاندن و تەوەرێن گرێدایی ژیانا وەلاتیان و چەند ئاریشێن سالێن دەربازبووی ماین و نەھاتینە چارەسەکرن دێ ھێنە بەحسکرن و ئارمانج ئەوە رێکێن چارەسەریێ بۆ گرفتان بھێنە دیتن.
سکرتێرێ جڤاتا پارێزگەھێ گۆت ژی: د ڤێ کومبوونێ دا د. عەلی تەتەر پارێزگەرێ دھۆکێ دێ بەحسێ پلان و بەرنامێ خوە یێ سالێن بھێن کەت.

خانی نیوز، سالار محەمەد دۆسکی: