حه‌یده‌ر شه‌شۆ: دڤێت حه‌شد و په‌كه‌كه‌ شنگالێ چۆلبكه‌ن

رەوشا شنگالێ رۆژ بۆ روژێ بەر ب تێکچوونێ دچیت و گەفێن تورکیا و ھەبوونا حەشدا شەعبی و پەکەکێ ل وێ دەڤەرێ بووینە جھێ مەترسیێ ئەڤە گوتنێن حەیدەر شەشۆ، فەرماندێ ھێزێن ئێزیدخانێ نە ل شنگالێ.

حەیدەر شەشۆ، فەرماندێ ھێزێن ئێزیدخانێ ل شنگالێ تایبەت بۆ خانی نیوز دبێژیت: ھەبوونا ھێزێن نێزیکی پەکەکێ و حەشدا شەعبی مەترسیەکا مەزنن لسەر شنگالێ و رێکكەفتنا ھەولێر و بەغدا بتنێ ناڤە و چ خالێن رێکكەفتنێ لسەر ئەردی نەھاتینە بجهئینان.

فەرماندێ ئێزیدخانێ ئاشكرا كر، حەشد رۆژانە ھێزێن خوە ل شنگالێ زێدە دکەت و ھەماھه‌نگیا وان لگەل بەغدا خورتتر بوویه‌، ئەڤەژی وێ چەندێ دگەھینیت کو رێکكەفتنا ھەولێر و بەغدا چ پویتە پێ نەھاتییە دان.

ژ ئالیێ خوه‌ ڤە شەشۆیی ئەو چەندە ژی دیار كر،  پشتی کو تورکیا راگەھاندی دێ ئوپه‌راسیۆنەکێ بۆ دەرکرنا ھێزێن نێزیکی پەکەکێ ل شنگالێ دەستپێکەن، رۆژانە ئەو ھێزە وێنەیێن عەبدولا ئوجەلان بلند دکەن و خوه‌نیشاندانان دكه‌ن ژ بۆ ھندێ بێژنە تورکیا وەرن ئەم یێن ل ڤێرێ نینن.

حەیدەر شەشۆیی خواست ب زووترین دەم ھێزێن حەشدا شەعبی و ھەڤ ھزرێن پەکەکێ ژ شنگال دەربکەڤن بۆ ھندێ ژیان ب ڤەگەریتە ڤە ل وێ دەڤەرا وێرانکری ژ به‌ر كو ھندی ئەو ھێزه‌ ھەبن ژیانا ئەوان خەلکێ ل وێرێ د مەترسیێ دایە و بلا ئەو نەبنە ئەگەر ئوپه‌راسیۆنا چیایێ گارەیی ھەڤشێوەیێ وێ ل شنگال ژی بھێتە دەستپێکرن.