سەرۆکێ حکومەتا هەرێما کوردستانێ پێشوازی ل نوێنەرا تایبەتی یێ سکرتێرێ گشتیێ نەتەوێن ئێکگرتى ل ئیراقێ كر.
ئه‌ڤرۆ ئێكشه‌مبى 14-2-2021ێ مەسرور بارزانی سەرۆکێ حکومەتا هەرێما کوردستانێ پێشوازی ل جێنین پلاسخارت نوونەرا تایبەتا سکرتێرێ گشتیێ نەتەوەێن ئیکگرتى ل ئیراقێ کر.
د كۆمبوونێ دا، گۆتوبێژ ده‌رباره‌ى ره‌وشا ئیراقێ و داوى پێشهاتێن دانوستاندنێ دناڤبه‌را حكومه‌تا هه‌رێما كوردستانێ و حكومه‌تا فیدرال و میكانیزمێن چاره‌سه‌ركرنا ئاریشان هاته كرن، ب تایبه‌ت جێگیركرنا پشكا هه‌رێما كوردستانێ د بۆدجا فیدرال دا یا سالا 2021ێ.
هه‌ردوو لایه‌ن ژى هه‌ڤبۆچوون بوون ل سه‌ر ئه‌وا پێدڤى د چوارچووڤێ ده‌ستووری دا ئاریشه‌یێن د ناڤبه‌را هه‌رێمێ و حكومه‌تا فیدرال دا بهێنه چاره‌سه‌كرن و ماف و شایسته‌یێن دارایی یێن هه‌رێما كوردستانێ بهێنه دابین كرن.
د ته‌وه‌ره‌كێ دی یێ كۆمبوونێ دا، جه‌خت ل سه‌ر گرنگییا جێبه‌جێكرنا رێككه‌فتنناما شنگالێ هاته كرن، كو دڤێت وه‌كو خۆ بهێته جێبه‌جێكرن ژبه‌ر ڤه‌گه‌راندنا ئارامیێ و سه‌قامگیریێ بۆ ده‌ڤه‌رێ.
